இயக்குநர் பாரதிராஜாவின் மகன் மனோஜ் காலமானதை தொடர்ந்து திரையுலகம் உறையுண்டுள்ளது. பலரும் சமூக ஊடகங்களில் இரங்கல் தெரிவித்து வரும் நிலையில், கவிஞர் வைரமுத்து, அவரது இரங்கலை ஒரு உணர்ச்சி பூர்வமான கவிதையாக பதிவு செய்துள்ளார்.
"பாரதிராஜாவின் பாதி உயிரே! உன் தகப்பனை எப்படி தேற்றுவேன்?"
மனோஜின் மறைவு குறித்து வைரமுத்து, தனது எக்ஸ் (முன்னாள் ட்விட்டர்) தளத்தில், தனக்கு மிகுந்த வேதனை அளிக்கும் செய்தி என்று தெரிவித்தார். அவரது பதிவில்,
"மகனே மனோஜ்! மறைந்து விட்டாயா? பாரதிராஜாவின் பாதி உயிரே! பாதிப் பருவத்தில் பறந்து விட்டாயா?"
என்று ஆரம்பித்து, "சிங்கம் பெத்த பிள்ளையின்னு தெரியவப்போம் வாடா வாடா" பாடலை எழுதிய காலத்தை நினைவு கூறியுள்ளார். மனோஜின் தந்தை பாரதிராஜா துன்பத்தில் மிதப்பதை கேட்டு, "உன் தந்தையை எப்படித் தேற்றுவேன்?" என வருத்தம் தெரிவித்துள்ளார்.
"மரணம் வயதுபார்த்து வருவதில்லை"
இரங்கல் கவிதையில்,
"முதுமை - மரணம் இரண்டும் காலத்தின் கட்டாயம்தான்.
ஆனால், முதுமை வயதுபார்த்து வருகிறது;
மரணம் வயதுபார்த்து வருவதில்லை."
என்ற வார்த்தைகள், மனோஜின் திடீர் மறைவு அவரை எப்படி அதிர்ச்சிக்குள்ளாக்கியிருக்கிறது என்பதைக் காட்டுகின்றன.
மனோஜை அறிமுகப்படுத்திய வைரமுத்து
மனோஜ், "தாஜ்மகால்" படத்தின் மூலமாக தமிழ் சினிமாவில் அறிமுகமானவர். வைரமுத்து எழுதிய "திருப்பாச்சி அருவாள தீட்டிக்கிட்டு வாடா வாடா" பாடல், அந்த காலத்திலேயே பெரிய ஹிட்டானது. இப்போது அந்த பாடலை நினைவுகூர்ந்த அவர், "சிங்கம் இருக்கப் பிள்ளைநீ போய்விட்டாயா?" என வேதனை தெரிவித்துள்ளார்.
"உன் உயிரேனும் அமைதியில் உறங்கட்டும்"
மனோஜின் மறைவு பாரதிராஜாவுக்கும், திரையுலகத்திற்கும் மீள முடியாத நிழலாக மாறியுள்ளது. வைரமுத்துவின் இரங்கல், திரையுலகினர் அனைவரின் உணர்வுகளையும் பிரதிபலிக்கிறது.
"எங்கள் உறக்கத்தைக் கெடுத்துவிட்டவனே!
உன் உயிரேனும் அமைதியில் உறங்கட்டும்."
இந்த வரிகளின் மூலம், ஒரு தந்தையின் வேதனையை உணர்ந்து, வைரமுத்து தனது இரங்கலை பதிவு செய்துள்ளார்.
